Kirol hitzordu hau, euskal errugbian klasiko bihurtu dena, 1998.urtean jarri zen abian, eta etenik gabe jokatu da ekainaren lehenengo larunbatean. 10 taldek parte hartzen dute, eta urte batzuetan emakumezkoen kategorian ere izan da partaiderik. 2008. urtetik aurrera, Mojategiko belar artifizialeko instalazio berrietan jokatuko da. Horrekin batera, eta hau jai giroan, Garagardo Feria egiten da, Arrasateko plazan jartzen den karpa batean, menu germaniar tradizionala dastatuz ongi pasatzeko gogoa dutenentzat. Ostegunean irekiko da. Kirola, Alemaniako gastronomia, garagardoa eta musika berbenak ongi uztarturik, Arrasate Rugby Taldeak kirol hau herrira zabaltzeko eta klubarentzat dirua biltzeko antolatzen duen ekimenean. Gure nahia da errugbiaren eta gastronomiaren jai honek denboran zehar irautea eta Euskadin errugbiaren erreferente bihurtzea.